MapsUrbe

Pengekenchi waria:  Santiago de Chile ñi Mapuche azkintun

 

Marie Slowdoska – Curie Actions Individual Fellowship, Global Fellowship

School of Social Sciences, The University of Manchester (UK)

Instituto de Estudios Urbanos y Territoriales, Pontificia Universidad Católica (Chile)

 

Wünelu inaramtufe: Olivia Casagrande

Kellukelu: Claudio Alvarado Lincopi; Roberto Cayuqueo

 

MapsUrbe  tüfa ta kiñe  adkünundungu konünküleal ka kelluael tati pu Mapuche wechekeche mülepalu Santiago de Chile mew tañi entudunguael ñi mongen, taiñ doy küme inaramtuafiel mapuche mongen, ñi rakiduam kiñe fütra waria petu tremkelu, chew ta pu mapuche petu üdengelu, chew ta petu ellkawküley tüfa ka.

 

 Pu mapuche ñamaumlu  tañi mapu, amutukeingün fütrake waria mew. Feymew ta fentren mapuche mülekey doy pofrelechi trokiñ waria mew, Temuco ka Santiago mew, chew ta tüfachi pu che anüpaygün ka trokiñwariakeche ngetuyngün ka, fantepu mülepayngün pu wingka engün. Fewla müley ta kiñe wedungu “Mapurbe”, femngechi pingekey pu mapuche wechekeche müley inaltu waria mew. “Mapu” ka “urbe” (waria), tüfa feypi ta David Aniñir.

 

 Mapurbe feypi: Pu wechekeche müleyngün rangitu mew: WARIA ka MAPU, femngechi nütramkakeyngün tañi pu che ñi kütrankawün amutulu ñi kuifi mapu mew. Welu tüfachi dungu mew tüfachi pu che  dewmakeyngün kake küdaw waria mew taiñ ñamnoael ñi mapuche duam. Ka weichan witrapurafi pu wechekeche. Santiago waria kaletukey pu mapuche ñi müleam, ñi rakiduam, tukulpadungu, kuifike piam, nütramkan petu mülelu waria mew.

 

    Tüfachi küdaw mew pelngeay kom tüfachi dungu ellkawkulelu, femngechi adkintukunuay Santiago,  dewmangekeay we waria pu wechekeche ñi mongen dungu mew. Pu wekeche entuaingün tañi kisu rakiduam tañi dewmayael tüfachi duam.

 

    Kimeltuwe küpa kudawi tüfachi duam itrokom mew, feymew ta müleay epu dungu pelngeael tüfachi küdaw (Santiago mew diciempüre küyen mew 2018 tripantü mew, fey wüla Europa püle wechualu 2019 tripantü); kiñe fütra trawün mew nütramkayael chumngechi amukeay ka chumngechi tripayay tüfachi inaramtukuwün Manchester Universidad mew; müleay kiñe lifru pu wechekeche entualu.

Credits:

Photos and Editing: Nicola Mazzuia

Translation to Mapundungun: Norma Hueche Nahuel

 

All right reserved

© 2018 Olivia Casagrande and all research participants